Urui e Utrì (III)

Urui s’avia fattu ranni. Avia li jammi fermi, i vrazza mosci, i rinocchi vunci. Quannu passiava fora du so castiddu, li jorna ca s’allibirtiava du tantu chiffari, si taliava na carusa cu l’occhi squarati. Urui ci trimavanu li jammi ca paria na crapuzza. A carusa s’alluciava nta l’occhi.
“Come ti chiami?” c’addumannau Urui. “Nome non haio” c’arrispusi a fimmina. “Picchì?” c’addumannò. “Picchì li nummari su tutti masculi” ci rispunniu. Urui si vunciò tuttu ka paria nu iaddu. “Sua Maestà mi permetta, mi perdoni, mi consenta” dicio. “Assa s’azzitti” arrispunnio.
A carusa si fici purtari u tummulu e s’arricriò cu tutta st’acqua di viviri. Quannu ca fu bedda vuncia ca paria nu tunnu, s’assistimò a cianco di Urui pi na passiata. Iunciuti assemmula parianu Vinti; ma spartuti parianu Reci, a mmenza strata, unu a na banna e l’autru a riversa. Cu passiava taliava, e doppu taliatu dicia “Sti nummari a mia mi parinu fausi”.