Urui e Utrì (VI)

Comu fu ca Utrì addivintò cirusicu? Chi ci passò ntesta? Chiffù? Amu a ghiri nnarreri, a quann’era picciutteddu friscu e pittinatu; so patri picciuli nnavia picca, e tutti lu buffuniavanu ca era puvireddu e nun si putia accattari mancu nu pezzu di pani ncrustatu. So figghiu ammatula vuciava ca vuleva manciari: “Assà mi rassi cocchi cosa i masticari” vuciava so figghiu. So patri arrispunnia “Ma chi nicchi e chi nacchi. Picciuli nnaiu e pani ncrustatu nsinni mancia” e lu zittia. Utrì sinni pigghiò na malatia. Tempu nenti pirdiu tutti li capiddi; e mentri chi capiddi logni paria Unovi, ca ci carianu nfinu assutta all’occhi, doppu ca li pirdiu si canciò facci. Compretamente. A ddu puntu tutti ci misiru u nomi veru: Utrì. Ma iddu sintia duluri ntesta, na pezza fitusa si sintia, assuntumatu paru paru. Comu ni putia nesciri? domandarono i curiosi. Ca pi guariri si misi na birritta ntesta e si fici cirasicu accuminciannu di lu so duluri.