Urui e Utrì (X)

U cchiù nichitutti iava pinnomi Ulunu, ca so matri lu fici assummannu rumetà. Menzu ammasculatu e menzu affimminedda. Beddu era; navuci tisa mapuru ruci. Ulunu niscìu dimmenzo liscogghi, mentri cagghiurnava. Pipprìmi lu vittiru i piscaturi e si firmaru, pissentiri ddavuci ruci ettisa. Dipoi scinneru i picurari, e si firmaru assentiri. I fimmini ru paisi e i picciriddi. Tutti assittati assentiri, priati, arricriati. Ulunu sapprisintava sempri ca paria na starr; sempri peri peri. Facìa accapiri cosi luntani, regni morgani, unni chi ccera luci essimpatia. Iddu, puru chera nicu, facìa cosirànni. Iddu parrava cantannu avvuci tisa. Piscaturi, picciriddi, fimmini e picurari s’uncianu, e finiu ca vosinu fari upaisi novu novu. Com’avia a essiri stu paisi? Ulunu rispunnìa cantannu Ca tutti aviti a fari ipiscatura, ipicurara, ipicciutteddi e ifimmineddi: nno stessu minutu. Tutti accuminciaru a trafichiari pi ghiunciri a stu paisi novu, passummallu. Quann’era matina s’uncìanu mmenzu liscogghi unnera Ulunu, faciano dimande, taliavanu luntanu, s’insignavano i palori rasò canzuni. Dipoi, quanno scurava e Ulunu scinneva a ddormiri suttomari, s’arricugghievanu nno paisi pimmanciari; e si sciarriavanu, manciannu, comu fannu li taddariti quannu si pigghianu a furchittati. E di lu regnu morgano arristava a cantatedda d’Ulunu, mmenziscogghi.