Urui e Utrì (XII)

E ora saccominci. I nummari s’affuddavanu ntra lurregnu. Niscevanu di fora l’agnuni, cchiossà difurmiculi. Un finianu mai. A spunta di suli saddumavano dipoi, quannu scinneva suttomari, un sinni virianu mancu sparati; morti parianu, sciddicati nterra comuserpi. Nno paisi ccera namachina stronomica caddumava li nummari unu pirunu; peroni caminannu caminannu, finuta aiurnata, li facia tracuddari (scomparire). Ppum ppum, comu fussiru baddisapuni: accumparianu diornu e scumparianu cuscùru; alluciati di suli e siccati sutta ucelu nivuru. Stamàchina parìa namàcina. Ddiu marpiuni tempu ninni runa picca, iavanu cuntannu i nummari: u tempu ca ti catamii, ca t’arrabbattii, catifinisci u iocu. Ppum. Ma puru cafinisci ntanenti, mentri c’assicutanu ulustru, arrinescinu affari icosi ca fannu tutti: Urui acchera picciutteddu e pripotenti acchì ammenza iurnata addivintava latruni, rè prilivaturi, pripotenza in pessona. A crozza finìa a patata vugghiuta, u rinocchiu appizzatu rincoddu. Sabbintava pi pigghiari munita. «Urrè eccurnutu» dicianu assittati nni Ulunu, ma quannu sarricugghievanu alacà e ncucciavanu Urui si calavanu a mità: «Urrè ebbeddu, urrè ebbonu», «Viva lurregnu Dinummari cunsati». Urui ci facia calari icorna piffalli travagghiari, macari a bastunati, macari a muzzicuna. Cu travagghia mori i pitittu e scippa vastunati. Urui quannu saddummiscìa sparrava sulu, comun foddi: nummaru ruttu tisminnu tuttu, nummaru ammaccatu arrassati ilatu, nummaru cu tampasìa veni lurrè e lu struppìa. Accussì scurrìanu a Dinummari.