Urui e Utrì (XV)

Ureci si sinteva spertu quannu cacalava atimpesta di ventu. Quannu chiuvia e vagnava nterra. I casi rupaisi parianu tummuli rucanpusantu. Squagghiati, ammargiati, chini i nummari arrifriddati, agghiacciati, attummuliati. Ureci si sintia spertu, ca sò cumpagnia; sofratuzzu nno ciancu ncuddatu, silu tirava paru paru; pi ddarici curaggiu e niscirici avuci puraiddu. Un baleva nenti, stureci; facia sulu ddannu. Pi namanu si facia pripotenti cu fratuzzu azziccatu darreri. Pillatra saddumava, lampiava, lanzava timpesta. Atimpesta, dicianu li nummari agghiacciati, sapprisenta comun cristianu, na fiura i maaria, nuspirdu ntrunatu. Ureci si vulia vinnicari pi quantu era sferiu, picchì vireva ca nccera versi canciari versu. Sammuccava pruvulazzu; vunciava tisu; sbintava niuru. Parrava accorpitrona, alluciatu, iccannu ciumari. Vagnava tutti lisocumpà. Vagnava aspelunca d’Unovi, abburritta d’Ucinco, a cammaredda d’Utrì. Sulu cu Ulunu unci putia: chiddu sasciucava ntallacqua, commera casiatu suttomari.