Sempri amicu mi fu stu muntarozzu
e sti troffi d’erbazza accussì fitti
c’attuppanu la vista all’orizzonti
ca si perdi luntanu. Ma taliannu
assittatu ca supra, iu mi figuru
agnuna scunfinati doppu i troffi,
e silenzi affatati e na funnuta
bunazza e manca picca ca lu cori
di rivolu si scanta. E mentri sentu
murmuriari lu ventu ‘ntra sti fogli,
iu paragunu sta vuci a ddru silenziu
‘nfinitu oltri li troffi: e all’impruvvisu
m’assalta lu pinseri di l’eternu,
e pensu ai tempi antichi ca passaru,
e pensu puru a u scrusciu vivu vivu
di li jurnati d’ora. Accussì, mmezzu
a chista senza fini immensitati
sprufunna lentu lentu u me pinseri:
com’è duci affunnari ni stu mari!
Alfonso Lentini, poesia oggettuale (bottiglia di plastica, stampa su acetato trasparente, acqua), 2016
E che dire Lentini,una bomba….