Urui e Utrì (VIII)

Utrì avìa nu cammarinu nna socasa, ca tantèra nicu conci putìa trasiri bonu; strittu e munciuniatu, ma sarrummuliava. Cciava amatina prestu e asira tardu. Di na banna cciavia buttigghi e buttigghieddi, di latra cannili squagghiati e cuppina sbacantati. Li buttigghi appuiati una piruna: chiddi ca panza prima, ca cuppulicchia dipoi, cu becchucciu nnarretri; tianuzzi e quararedde; cuteddi e burnie senza cuvecchiu; muscalora p’astutari vampi. A cammara s’inchìa ri vapuri. Uvapuri nisceva di tiana, spampinava, canciava culuri e annigghiava a cammaredda. Utrì cugghieva sustanzi dinterra, cugghieva mennuli, simenzi e privulazzi. Ammuccava e ammiscava, mpastava e scafazzava, addintava nnomentri camasticuliava. Tinchiava i quararedde e nne burnie c’addumava cannili a fari lustru; nno tianu na spuntatura di simenza capuliata, na terra attisicata; nno cuppinu na crozz iattu e na curisurci. Isurci? Sissignora. Vugghievanu sti sustanzi, siccavanu e s’ammuddavanu. «Assà pigghiassi a pinzetta e niscissi li punta puntuti; pigghiassi a furchetta e facissi pirtusi; u cuteddu e spartissi ammità». Nsoccu rriniscia arriniscia: ma si tinnagghiuttevi nanticchia stavi bonu pissempri.