Urui e Utrì (XI)

Addimizzatu furriava Ucinco. Asomà l’avìa fattu ammità strata. C’avìa inchiutu u panzuni di chiddu attruvatu nno chianu: nzalati, mennule eccalie, alivi eppipiruna, sparacedda effraculuna, agghia eppitrusinu. Ucinco sagghiutteva aqualsiasi. S’allugnava a coppula ntall’occhi e s’addummisceva priatu. Quannu lasomà sinniu allatru munnu, Ucinco mancu si muvìa chi cannonati; unciputìa nenti ammuvillo. Era ncuddatu nterra, munciuniatu, capisava nachilata. Appi a beniri u cirusicu pi fallu caminari arreri, pimmittillu aggritta. Utrì ricìa cosi di cirusicu «Savi a sbacantari stu panzuni; ca si ci fazzu pirtusu si sbacanta» e usbacantò. Ucinco accuminciò a rripigghiarisi; caminava strati strati, casi casi; anticchia a la putìa, anticchia nna chiazza, anticchia o bigliardino. Scutava l’autri nummari parrari ntrà riddri: Unovi ca cuntava la mascariata, Urui chaddumannava monìta, Ureci chabbistimiava. Picca ci vosi pi fallu annurbari «Salutamu, vossia bbinirìca» e sinnìa siddiatu alasocà. Niscìa currennu, satava nna cantunera, si cafuddava mura mura. Ammuttatu da li cosi c’avìa sintutu.