Urui e Utrì (XIV)

Briante imuntagna, di menzo ipitroni. Testa addumata e vucca attuppata. Briante corritore. Unovi ieva pi strati imuntagna, a stuccarisi iamme curreva. Di iornu facia scantari l’armali ma quannu s’addummiscia si viria piatusu, u criaturi. Puru ca chiueva l’occhi, si tinia la vista: sarricurdava muntagni senzarburi, aceddi e serpi, terra vagnata e schirpiuna sutta ipitruna. U sceccu ragghiava pi quantu era scantatu: u schirpiuni saggrizzava pi quantu era annirbatu; s’aisava nneiammi e sbattuliava Unovi, poi si mitteva a cravaccari mmenzipetri. Na iurnata u briante arristò diunu: apetra era sicca ellerba sicca. Unovi calò o paisi pattruvari ichì manciari; oscuru ieva Unovi, chera briante! Cu ti vancoccia? Ucinco sbacantatu. O scuru si facìa tutta lastrata. Burritta gritta ma panzuni spunnatu. Unovi siccittò dincoddu. C’acchianò risupra parrubballu, pippigghiarici chiddu cavia. Ucinco si misi a fari burdellu pacchiappari avantaggiu, parruspigghiari i nummari addummisciuti iccannu vuci: «Curriti», «Pezzicrastu», «Viniti», «Pezzimuffutu». E curreru tutti. Puscantu Unovi sallavancò, vulò nna muntagna e saddimurò nnepitruna, diunu cchiossaitutti.