Urui e Utrì (XVI)

Arrinisceru tutti malati. Ucinco scalatu ripanza. Unovi ammuddatu risutta. Urui annurbatu rilocchi. Sturrè un ghieva nni avanti nniarrè; persu di viriri li cosi c’avia. Nummaru orbu, nummaru ncuddatu, nummaru rui. Uncantava cchiù, pa vuci tirata stranutava. U paisi si inchia di nummari malu cumminati, sbacantati dirintra e difora. Dicianu caccera crisi conomica, cavianu assuffriri tutti, sparti ca ccavianu urrè orbu rilocchi. Quannu uduluri un si potti spartiri cu nuddu, ca nuddu nni vulia cchiossà, parrò uprufissuri e sparò sta truvata «La liberta è la comune pratica degli atti innaturali» Ecchì paruluni nniruna, prufissuri? Utrì arrispunniu «Si chiovi, chiovi, puru ca vi pari na fenomena dinatura» e i nummari s’accuntintaru. Nna ddi iurnati Utrì avia usò chiffàri; l’arruspigghiavanu chiancennu nta licasi; mentri ca si spizzuliava a carruba s’apprisintavano affamatizzi «Spizzuliamu puru nuatri?» «Amammanciari onò?». Utrì utuccavi essunava; pigghiava bursuni e quarareddi e buttigghiuna papprisintarisi unni ca sinteva chianciri. Pisava, mmiscava, mpastava, quariava, stutava, ciusciava e calava mmucca. Accussì i nummari turnaru vunci, s’aggrizzaru iammi e ibburrittuna, si tagghiaru ipila runasu, sallisciaru ipanzi pilusi. Ma Urui arristò annurbatu, ca Utrì unni vulia sentiri d’aggiustarici l’occhi orrè.